Monday, August 30, 2010

“ബന്ധങ്ങളുടെ വഴിത്തിരിവ്... ബന്ധനങ്ങളുടേയും“

സ്നേഹിക്കുക പ്രണയിക്കുക
എന്നിട്ട് പെട്ടന്ന് ഒരു ദിവസം
നഷ്ടപ്പെടുമോ എന്നു ഭയക്കുക
അതാണു ഏറ്റവും വലിയ ഭയം
മനസ്സിനെ കാരാഗൃഹത്തില്‍ അടക്കുന്ന പോലെ ഒറ്റപെടല്‍
ഒറ്റക്ക് ആയാല്‍ എന്താവും ഗതി എന്ന ചിന്ത ..
അതാണു ദുഃഖം.

എന്നാല്‍ ഒരു ദിവസം നഷ്ടപെട്ടു എന്നു ബോധ്യമാവുന്നു
അന്ന് തമ്മില്‍ ഒന്നും പറയാനില്ലതെയാവുന്നു
തൊട്ടടുത്ത് ഇരുന്നാലും
ഏതോ അന്യഗൃഹത്തില്‍ ആണെന്നു തോന്നും പോലെ അകലം.
അപ്പോള്‍ മനസ്സില്‍ ഒരു വെളിച്ചം പരക്കും
വെറും വെളിച്ചം മാത്രം! മറ്റോന്നുമില്ല.
എങ്കിലും മനസ്സ് ഓളങ്ങള്‍ ഇല്ലാത്ത കടല്‍ പോലെ ശാന്തം ആവും
ദുഃഖങ്ങള്‍, ചുഴികള്‍ക്കും മലരികള്‍ക്കും ഒപ്പം അടിപ്പരപ്പില്‍ താഴും .....