എന്തേ നീ മാത്രം വന്നില്ലാ?

നിന്റെ മണ്ണില്‍ കൂടി

ഞാന്‍ നടന്നു നീങ്ങി

വഴിയോരൊത്തൊക്കെ

എന്റെ കണ്ണുകള്‍

തേടിയത് നിന്നെ മാത്രം

ഓരോ നിമിഷവും ഞാന്‍ കാത്തു

ഒരു പിന്‍ വിളി

നീവരും വരാതിരിക്കാന്‍

നിനക്കാവില്ല അതെന്റെ

മനസ്സിന്റെ ഉറപ്പായിരുന്നു

എന്നിട്ടും എന്തേ

എന്തേ നീ മാത്രം വന്നില്ലാ?

മായ്ക്കാന്‍ കഴിഞ്ഞിരുന്നെങ്കില്‍........

മണ്ണിലെഴുതിയപ്പോള്‍ അതു തടുത്തു കൂട്ടി
നിരത്തി എഴുതിയതൊക്കെ മായിച്ചു

പിന്നെ സ്ലേറ്റിലെഴുതിയത്
വെള്ളത്തണ്ട്കൊണ്ട് മായിച്ചു വെടിപ്പാക്കി

കടലാസില്‍ പെന്‍‍സിലുകൊണ്ടെഴുതിയത്
റബ്ബര്‍ കൊണ്ടു തുടച്ചു മായിച്ചു.

പിന്നെ മഷിയും പേനയും ആയപ്പോള്‍
വൈറ്റ് ഇങ്ക് കൊണ്ട് മായിച്ചു

കീബോര്‍ഡില്‍ റ്റൈപ്പ് ചെയ്തത്
ബാക്ക് സ്പെയിസ് അടിച്ചു ഞാന്‍ മായിച്ചു

എന്റെ മനസ്സില്‍ കുറിച്ചിട്ടതും വരച്ചിട്ടതും
എങ്ങനെ ഞാന്‍ മായിക്കും?